Համաձայն ՈՒԵՖԱ-ի կողմից սահմանված պահանջների` համերաշխության վճարները չեն բաշխվում տվյալ մրցաշրջանում ՈՒԵՖԱ-ի ակումբային մրցաշարերի խմբային փուլին մասնակցած ակումբներին։
ՀՖՖ Ֆուտբոլի ակադեմիայում կայացել է Գործադիր կոմիտեի հերթական նիստը:
Առաջին հարցը նվիրված էր 2022/2023թթ մրցաշրջանի ՈՒԵՖԱ-ի համերաշխության գումարների բաշխման գործընթացի կազմակերպմանը, հաղորդում է ՀՖՖ մամուլի ծառայությունը։
ՀՖՖ Գործադիր կոմիտեն որոշել է ՀՖՖ-ին հասանելիք ընդհանուր 1 միլիոն 355 հազար եվրո գումարը բաշխել Հայաստանի Պրեմիեր լիգայի և Առաջին խմբի առաջնության մասնակից 15 ակումբների միջև անհավասարաչափ (տոկոսային հարաբերակցությամբ)՝ համաձայն 2022 թվականի դեկտեմբերի 16-ին կայացած ՀՖՖ գործադիր կոմիտեի նիստում հաստատված չափորոշիչներիի.
«Ուրարտու»՝ 250.000
«Շիրակ»՝ 145.000
«Վան»՝ 135.000
«Նոա»՝ 120.000
«Ալաշկերտ»՝ 120.000
«Արարատ»՝ 120.000
«Արարատ-Արմենիա»՝ 115.000
«Lեռնային Արցախ»՝ 150.000
«Վեստ Արմենիա»՝ 45.000
«Գանձասար»՝ 40.000
«Միկա»՝ 40.000
«Սյունիք»՝ 30.000
«Oնոր»՝ 15.000
«Նիկարմ»՝ 15.000
«Անդրանիկ»՝ 15.000
Համաձայն ՈՒԵՖԱ-ի կողմից սահմանված պահանջների` համերաշխության վճարները չեն բաշխվում տվյալ մրցաշրջանում ՈՒԵՖԱ-ի ակումբային մրցաշարերի խմբային փուլին մասնակցած ակումբներին։ Այս պարագայում, 2022/2023թթ ՈՒԵՖԱ-ի համերաշխության գումարներից անմասն կմնա 2022/2023թթ մրցաշրջանի ՈՒԵՖԱ-ի Կոնֆերենցիաների լիգայի խմբային փուլին մասնակցած «Փյունիկը», ինչպես 2021/2022թթ. մրցաշրջանում՝ «Ալաշկերտը»:
