2023 թվականի սեպտեմբերի 24-ին սկսվեց Արցախի մեծ գաղթը: Տեղահանված մեր հայրենակիցները պիտի շրջապատվեին հոգատարությամբ, նրանց բազմաթիվ կարիքները պիտի հրատապ լուծում գտնեին: Զանգեզուրի պղնձամոլիբդենային կոմբինատի աշխատակազմը տեղահանության առաջին ժամերից եղել է Գորիսում ու Կոռնիձորում, տրամադրել զգալի օգնություն: Ձեռնարկությունն այսօր էլ շարունակում է աջակցել Հայաստանի տարբեր մարզերում, հատկապես Սյունիքում հանգրվանած մեր հայրենակիցներին:
