Այսօր կրկին մամուլում լուրեր են շրջանառվում, որ Բարձր տեխնոլոգիական արդյունաբերության նախարար Ռոբերտ Խաչատրյանն ազատվել է զբաղեցրած պաշտոնից։
Լուրի իսկությունը ճշտելու նպատակով Tert.am-ը կապ հաստատեց նախարարի խոսնակի հետ։
Նա սակայն ո՛չ հերքեց, ո՛չ հաստատեց նախարարի ազատման մասին լուրը։
«Սպասենք պաշտոնական տեղեկատվությանը»,- հորդորեց Խաչատրյանի խոսնակը։
Ավելի վաղ Ռոբերտ Խաչատրյանը լրագրողների հետ զրույցում հայտարարել էր, որ իր պաշտոնանկության հարցի քննարկում չի եղել և շարունակելու է պաշտոնավարել՝ պատասխանելով իր հնարավոր պաշտոնանկության վերաբերյալ շրջանառվող տեղեկություններին և այն հարցին, որ վարչապետ Նիկոլ Փաշինյանը գոհ չէ իր գործունեությունից:
