Հանրապետությունում այսօր տեղացած առատ ձյան հետևանքով մի քանի մարզերում որոշ ճանապարհներ դարձել են անանցանելի կամ դժվարանցանելի։
Ինչպես հայտնում է ֆոտոլրագրող Գագիկ Շամշյանը, վաղ առավոտից ՀՀ Ներքին գործերի նախարարության փրկարար ծառայության Ջերմուկի հրշեջ փրկարարական ջոկատի փրկարարները և Վայոց ձորի մարզի ՊԾ վաշտի պարեկները Գնդեվազ-Ջերմուկ ավտոճանապարհին դժվարանցանելի հատվածում ձնակույտերի մեջ հայտնված 15-ից ավելի տրանսպորտային միջոցներ են դուրս բերել անվտանգ վայր։
Ֆոտոլրագրողի տեղեկություններով` տեղի ճանշինը օպերատիվորեն աշխատանքներ է կատարել, սակայն կարճ ժամանակում նորից տեղացած ձյունը փակել է ճանապարհը։
