Թուրքիայում ավտոբուս է շրջվել, կան զոհեր

Մերսին քաղաքի Այդընջըք թաղամասում մարդատար ավտոբուս է շրջվել։

Թուրքիայի հարավ-արևելքում ավտոբուսի մասնակցությամբ վթարի հետևանքով զոհվել է 9 մարդ, վիրավորվել՝ 28-ը, հայտնում է РИА Новости-ն՝ հղում անելով TRT Haber հեռուստաալիքին։

«Մերսին քաղաքի Այդընջըք թաղամասում մարդատար ավտոբուս է շրջվել, ինչի հետևանքով 9 մարդ զոհվել է, 28-ը՝ վիրավորվել», հաղորդում է հեռուստաալիքը։

Ստացված տեղեկությունների համաձայն՝ Անթալիայից Մերսին ուղևորվող մարդատար ավտոբուսը, անհայտ պատճառով, Այդընջըք թաղամասի թունելների ելքի արգելապատնեշներին բախվելուց հետո շրջվել է։