Բաքուն կոչ է արել միջազգային հանրությանը «պարտադրել Երևանին հանձնել ականապատ դաշտերի քարտեզները»
Ադրբեջանի ԱԳՆ-ն հայտարարություն է տարածել, որում կոչ է արել «բոլորին» ճնշում գործադրել Հայաստանի վրա՝ «ականապատ դաշտերի քարտեզների մասին ճշգրիտ տեղեկատվություն ստանալու համար»։
«Հայաստանի կողմից անկանոն տեղադրած ականները շարունակում են վտանգ ներկայացնել խաղաղ բնակչության համար»,- ասվում է Ադրբեջանի ԱԳՆ հայտարարության մեջ։
Նշվում է նաև, որ «ևս մեկ խաղաղ բնակիչ է պայթել ականի վրա, իսկ 2020 թվականից զոհվածների թիվը հասել է 342-ի»։
