Բնականաբար, 1-2 օր սպասելը խնդիրներ առաջացնում է
Լարսում այս պահին գլոբալ խնդիր չկա, բեռնատարները կարող են սպասել 1-2 օր, սակայն ձմեռվա համար անցանելիությունը գտնվում է նորմալ մակարդակի վրա։ Այս մասին այսօր՝ հունվարի 25-ին, կառավարության նիստից հետո լրագրողների հետ զրույցում ասաց Էկոնոմիկայի նախարար Վահան Քերոբյանը:
«Բնականաբար, 1-2 օր սպասելը խնդիրներ առաջացնում է, լավ կլիներ, որ սահուն անցնեին, բայց համեմատած մյուս տարիների հետ, երբ 10-20 օրով, երբեմն 30 օրով Լարսը փակ է եղել, այս պահին այդպիսի խնդիր չունենք»,-ասաց նա:
