Նախագծի քվերակությունն ավարտված է

Ըստ նախագծի բնութագրի, «Հայոց պատմություն» առարկայի անվանումը փոխելով «Հայաստանի պատմություն» անվամբ, ավելի հստակ է դառնում առարկայի անվանումը։

Իրավական ակտերի քննարկման միասնական հարթակում՝ e-draft.am-ում ավարտվել է ԿԳՄՍ նախարարության կողմից ներկայացված «Հայոց պատմություն» առարկան «Հայաստան պատմություն» վերանվանելու նախագծի հանրային քննարկումը:

Հասարակությանը ներկայացված հակիրճ բնութագրում նշված է հետևյալը․

«․33-րդ կետի 6-րդ ենթակետով սահմանված է, որ «Հայրենագիտություն» և «Հասարակություն, հասարակական գիտություններ» բնագավառների շրջանակում հանրակրթական ընդհանուր պետական ծրագրի 5-6-րդ դասարաններում ներկայացվում են Հայաստանի և հայ ժողովրդի պատմությունը, մշակույթը և կրոնը, աշխարհագրությունը, հասարակական կյանքի ոլորտները, իսկ ՀՊՉ 35-րդ կետում՝ որպես պարտադիր առարկա, ներկայացված է «Հայոց պատմություն» առարկան։ «Հայոց պատմություն» առարկայի անվանումը փոխելով «Հայաստանի պատմություն» անվամբ` վերանում է ՀՊՉ-ի 33-րդ և 35-րդ կետերի սահմանումներում առկա անհամապատասխանությունը։ Արդյունքում ավելի հստակ է դառնում առարկայի անվանումը, որի շրջանակներում ուսումնասիրվելու են հայկական պետականության և հայ ժողովրդի պատմության տարբեր ժամանակաշրջաններում տեղի ունեցած իրադարձությունները»:

Նախագծին դեմ է քվեարկել 11 հազար 892 քաղաքացի (51 տոկոս), կողմ՝  11 հազար 510 քաղաքացի (49 տոկոս)։ Նախագծի տակ ներկայացված  են նաև մոտ 500 առաջարկ, որոնք հիմնականում դեմ են արտահայտվել նախագծին։