Կիմ Չեն Ինը նաև կոչ է արել հրաժարվել «հայրենակիցներ» տերմինից Կորեայի Հանրապետության բնակիչների նկատմամբ։
ԿԺԴՀ-ն Կորեայի Հանրապետությունը համարում է իր մշտական գլխավոր թշնամին և պատրաստ է օկուպացնել նրա տարածքը արտակարգ իրավիճակների դեպքում, որը կպահանջի իր անվտանգությունը։ Այս մասին հայտարարել է Հյուսիսային Կորեայի առաջնորդ Կիմ Չեն Ընը՝ Կորեայի ժողովրդական բանակի հիմնադրման 76-րդ տարեդարձի կապակցությամբ։
«Ոչ վաղ անցյալում մեր կուսակցությունն ու կառավարությունն ամփոփեցին մեր ժողովրդի պառակտման և առճակատման պատմությունը։ Հարավային Կորեայի խամաճիկներին որպես մեր երկրի ամենավնասակար և անփոփոխ գլխավոր թշնամի ճանաչելը և արտակարգ իրավիճակների դեպքում նրանց տարածքը գրավելու որոշումը որպես ազգային քաղաքականություն ողջամիտ միջոց է մեր երկրի հավերժական անվտանգության, խաղաղության և կայունության համար»,- մեջբերում է Կիմ Չեն Ինի խոսքը Կորեայի կենտրոնական լրատվական գործակալությունը։
Անցյալ տարի դեկտեմբերյան պլենումում ԿԺԴՀ ղեկավարն ասել էր, որ Կորեայի աշխատավորական կուսակցությունն այլեւս չի հավատում, որ երկխոսության միջոցով Կորեական թերակղզու խաղաղ միավորումը հնարավոր է։ Նա հավելել է, որ ԿԺԴՀ-ն և Կորեայի Հանրապետությունը վերջնականապես դարձել են միմյանց նկատմամբ թշնամական պետություններ։
Հունվարին Կիմ Չեն Ընը առաջարկել էր սահմանադրորեն ապահովել Հարավային Կորեայի՝ որպես գլխավոր թշնամու կարգավիճակը, ինչպես նաև թույլատրել Հարավային Կորեայի տարածքը «վերադարձնել» ԿԺԴՀ-ին պատերազմի դեպքում։ Կիմ Չեն Ինը նաև կոչ է արել հրաժարվել «հայրենակիցներ» տերմինից Կորեայի Հանրապետության բնակիչների նկատմամբ։
