«Գործարքի իրականացման համար անհրաժեշտ է նաև կատարել պետական վճարումներ՝ շենքի արժեքի շուրջ 7,5%-ի չափով»։
Հայաստանը 23 միլիոն դոլարով դեսպանության նոր շենք ձեռք կբերի Ֆրանսիայում։ Համապատասխան որոշման նախագիծն ընդգրկված է կառավարության փետրվարի 15-ի նիստի օրակարգում։
Առաջարկվող շինությունը տեղակայված է Փարիզի 16-րդ թաղամասում, ունի պատմական արժեք, քանի որ 1956 թվականից այն պատկանել է Ֆրանսիայի 5-րդ Հանրապետության 3-րդ նախագահ Վալերի Ժիսկար դ՝Էստենին։ Կառավարությունը գնի 10 տոկոսի չափով կանխավճար պետք է տրամադրի ֆրանսիական կողմին։
«Գործարքի իրականացման համար անհրաժեշտ է նաև կատարել պետական վճարումներ՝ շենքի արժեքի շուրջ 7,5%-ի չափով»,- նշված է կառավարության հիմնավորումներում։
Ակնկալվում է, որ գործարքը կվերջնականացվի 3-4 ամսվա ընթացքում։
