Բորելն ասել է, որ ռուսական գազն ու նավթը գնում են Հնդկաստան և Չինաստան, որոնք էլ դրանից հետո իրենց հերթին «այդ նավթամթերքը երբեմն վաճառում են» Եվրամիությանը։
ԵՄ անդամ երկրներն անցյալ տարի մոտ 43 միլիարդ խորանարդ մետր ռուսական գազ են ներմուծել, հայտարարել է ԵՄ արտաքին քաղաքականության և անվտանգության հարցերով բարձր ներկայացուցիչ Ժոզեպ Բորելը։
«Եվրամիությունը պետք է փորձի սահմանափակել Ռուսաստանի արդյունաբերական և ֆինանսական հնարավորությունները։ Նախկինում Ռուսաստանից ներմուծվող ծավալի մոտավորապես 61%-ը այլևս չենք ներմուծում»,- El Diario պաարբերականի հետ զրույցում ասել է Բորելը։
Նա պարզաբանել է իր միտքը․ «2023 թվականին մենք ներմուծել ենք մինչև 43 միլիարդ խորնարդ մետր ռուսական գազ, իսկ նախկինում ներմուծում էինք 150 միլիարդ խորնարդ մետր»։
Բորելն ասել է, որ ռուսական գազն ու նավթը գնում են Հնդկաստան և Չինաստան, որոնք էլ դրանից հետո իրենց հերթին «այդ նավթամթերքը երբեմն վաճառում են» Եվրամիությանը։
«Եթե ամբողջ ռուսական նավթը անհետանա շուկայից, մենք այդ շուկայում բալանսի հետ կապված խնդիրներ կունենանք»,- հավելել է Բորելը։
