Մոբայլ լրագրության դասընթաց սյունեցիների, վայոցձորցիների և գեղարքունիքցիների համար

Տեսական ու գործնական դասընթացների ավարտից հետո լավագույնները հնարավորություն կունենան աշխատելու Regiontv.am կայքում, նաեւ այլ լրատվամիջոցներում

REGIONTV-ն հայտարարում է մոբայլ լրագրության դասընթաց ՀՀ Սյունիքի, Գեղարքունիքի և Վայոց Ձորի մարզերի երիտասարդների համար։

REGIONTV-ի «Mobile reporting in regions» ծրագրին վերոնշված յուրաքանչյուր մարզից կընտրվի 18-25 տարեկան 7-ական մասնակից: Խմբերը կմասնակցեն սեմինար-դասընթացների, որոնք կանցկացվեն տեղացի եւ միջազգային փորձագետների ու դասընթացավարների կողմից: Դասավանդման ընթացքում կներկայացվեն մոբայլ լրագրության հմտությունները, գործնական աշխատանքի ժամանակ կպատրաստվեն և կհրապարակվեն մուլտիմեդիա լրագրողական պատմություններ մարզերին առնչվող տարբեր խնդիրների մասին։ Դասընթացը հիմնված է գործնական աշխատանքի վրա, և մասնակցել ցանկացողները պետք է ունենան սմարթֆոններ:

Ծրագրի տևողությունը 5 ամիս է: Տեսական ու գործնական դասընթացների ավարտից հետո լավագույնները հնարավորություն կունենան աշխատելու Regiontv.am կայքում, նաեւ այլ լրատվամիջոցներում: Ընտրված մասնակիցները կշարունակեն կատարելագործել իրենց ձեռք բերած հմտությունները՝ տեղերում նյութեր պատրաստելով:

Մասնակցության հայտերի ներկայացման վերջնաժամկետն է 2024թ.-ի մարտի 10-ը:

Լրացուցիչ հարցերի դեպքում կապ հաստատել՝ էլ.հասցե՝ regionnewsplus@gmail.com, հեռախոս՝ +374 77-72-65-63, +374 91-72-70-69:

Հայտը պետք է ներկայացնել՝ լրացնելով հարցաշարը: