Ֆրանսիայի առաջնությունը սկսել է նոր գործընկերների փնտրտուքները և համաձայնության եկել McDonalds արագ սննդի խոշոր ցանցի հետ։
Ֆրանսիայի առաջնությունը հաջորդ մրցաշրջանից կփոխի իր պաշտոնական անվանումը։ «Uber League 1»-ի փոխարեն առաջնությունը կկոչվի «McDonalds League 1», հայտնում է La Gazette Du Fennec-ը։
Ըստ աղբյուրի՝ McDonalds-ը տարեկան 20 մլն եվրո կվճարի Ֆրանսիայի առաջնության անվանման իրավունքների համար։ Նախորդ գործընկերը՝ Uber-ը, տարեկան վճարում էր 15 միլիոն եվրո։ Սակայն Լիգա 1-ից գլխավոր աստղերի՝ այդ թվում Լիոնել Մեսսիի և Նեյմարի հեռանալուց, ինչպես նաև Կիլիան Մբապեի հեռանալու մեծ հավանականությունից հետո Uber-ը նվազեցրել է իր առաջարկը նոր մրցաշրջանի համար։ Ֆրանսիայի առաջնությունը սկսել է նոր գործընկերների փնտրտուքները և համաձայնության եկել McDonalds արագ սննդի խոշոր ցանցի հետ։
Նշվում է, որ գործարքի մասին պաշտոնապես չի հայտարարվել, քանի որ կողմերը դեռ չեն կարգավորել իրավական բոլոր հարցերը. բանակցությունները շարունակվում են։
