ՊՆ մամուլի քարտուղար Արամ Թորոսյանը հայտնում է, որ այս պահին հայ-ադրբեջանական սահմանին Կուտականի դիրքերի ուղղությամբ իրավիճակը կայուն է, փոխհրաձգություն չկա։
«Ինտենսիվ փոխհրաձգություն չի արձանագրվել։ Զոհեր, վիրավորներ չկան։ Այս պահին փոխհրաձգություն չկա»․SputnikArmenia-ի հետ զրույցում տեղեկությունը հայտնել է ՀՀ ՊՆ մամուլի քարտուղար Արամ Թորոսյանը։
Ավելի վաղ ԱԺ մարդու իրավունքների պաշտպանության և հանրային հարցերի մշտական հանձնաժողովի նախագահ Թագուհի Թովմասյանը գրառում էր կատարել՝ նշելով, որ թշնամին այսօր 9:00-10։00 ընկած ժամանակահատվածում շարունակ հրաձգային զինատեսակներից կրակ է բացել տեղի հայկական դիրքերի ուղղությամբ:
