Հնդկաստանը լավ հարաբերություններ ունի Երևանի և Բաքվի հետ, սակայն Նյու Դելին նաև մտածում է իր պաշտպանական արտադրանքի արտահանման խթանման մասին:Այս մասին ճեպազրույցում ասել է Հնդկաստանի ԱԳՆ պաշտոնական ներկայացուցիչ Ռանդհիր Ջեյսվալը՝ պատասխանելով Հնդկաստանի կողմից Հայաստանին զենք մատակարարելու պատճառով Ադրբեջանի քննադատության մասին հարցին։ Այս մասին գրում է ՏԱՍՍ-ը:
«Մենք շատ լավ հարաբերություններ ունենք և՛ Ադրբեջանի, և՛ Հայաստանի հետ, բայց սրանից զատ, մենք նաև իրականացնում ենք Հնդկաստանի պաշտպանական արտադրանքի արտահանման խթանման քաղաքականությունը», – ասել է նա։
Ըստ հնդկական ANI գործակալության՝ Հայաստանը Հնդկաստանից գնել է 15 «Ակաշ» հակաօդային պաշտպանության համակարգ՝ 600 մլն դոլար ընդհանուր արժողությամբ։
Ավելի վաղ Ադրբեջանի նախագահ Իլհամ Ալիևը հայտարարել էր, որ իր երկիրը չի կարող հետևել՝ ինչպես են Ֆրանսիան, Հնդկաստանը և Հունաստանը զինում Հայաստանը։
