Այս տարի էլ Կապանում մայիսի 9-ը նշվեց լուռ ու առանց քաղաքային տոնակատարությունների։ Ծաղկադրման արարողությունը, ավանդույթի համաձայն, սկսվեց ԽՍՀՄ հերոս, կապանցի Հունան Ավետիսյանի հուշարձանին ծաղիկներ խոնարհելով։ Միջոցառմանը ներկա էին Կապան համայնքի ղեկավար Գևորգ Փարսյանը, Կապանում ՌԴ գլխավոր հյուպատոսության դիվանագետներ, բարձրաստիճան զինվորականներ, ավագանու անդամներ, համայնքապետարանի աշխատակիցներ, բնակիչներ։
