ՀՀ ԱԻՆ փրկարար ծառայությունից հայտնում են, որ հոկտեմբերի 19-ին, ժամը 20։46-ին Վայոց ձորի մարզային ճգնաժամային կառավարման կենտրոն ահազանգ է ստացվել՝ Մալիշկա գյուղից Կարմրաշեն գյուղ տանող ճանապարհին մթության պատճառով քաղաքացու մոլորվելու վերաբերյալ. անհրաժեշտ է փրկարարների օգնությունը։
Դեպքի վայր է մեկնել ԱԻՆ ՓԾ մարզային փրկարարական վարչության հրշեջ-փրկարարական ջոկատի օպերատիվ խումբը։
Փրկարարները Մալիշկա գյուղի «Այդալիկ» կոչվող տարածքում հայտնաբերել են Մ. Մ․-ին (ծնված 2004 թ.)։
