Զբոսաշրջության կոմիտեն հայտարարում է կրթական նոր դասընթացի մեկնարկի մասին

ՀՀ ԷՆ Զբոսաշրջության կոմիտեն «‎Զբոսաշրջության կրթության բարելավում»‎ ծրագրի շրջանակներում հայտարարում է կրթական նոր դասընթացի մեկնարկի մասին։

Դասընթացն իրականացվում է «‎Մատենա» առաջնորդության և մասնագիտական զարգացման միջազգային դպրոց‎ի կողմից։

Դասընթացն անցկացվելու է 2024 թվականի հունիսի 15-ին և 16-ին «Մատենայի» շենքում՝ Բաղրամյան 6 հասցեում:

Դասընթացն ուղղված է զբոսաշրջության ոլորտում ռազմավարությունների մշակման գործընթացի արդյունավետության բարձրացմանն ու հմտությունների ձևավորմանը:

Դիմել կարող են առնվազն բակալավրի որակավորում ունեցող զբոսաշրջության/հյուրընկալության ոլորտի ղեկավարները կամ ավագ մասնագետները, որոնք ունեն ՀՀ-ում առնվազն երկու տարվա աշխատանքային փորձ։

Դասընթացի վարձավճարն ամբողջությամբ ֆինանսավորվում է ՀՀ ԷՆ Զբոսաշրջության կոմիտեի կողմից «Զբոսաշրջության կրթության բարելավում» միջոցառման շրջանակում:

Դասընթացի լեզուն հայերենն է։

Գրանցման վերջնաժամկետը՝ մայիսի 24: