ՃՏՊ Երևան-Մեղրի ճանապարհին

ՀՀ ԱԻՆ փրկարար ծառայությունից տեղեկացնում են, որ այսօր՝ հոկտեմբերի 22-ին, ժամը 12:24-ին Երևան-Մեղրի ավտոճանապարհի 139-րդ կմ-ին տեղի է ունեցել ՃՏՊ՝ «Toyota» մակնիշի ավտոմեքենան դուրս է եկել ճանապարհի երթևեկելի հատվածից, կողաշրջվել և հայտնվել ճանապարհամերձ ձորում։

Դեպքի վայր է մեկնել ԱԻՆ ՓԾ մարզային փրկարարական վարչության հրշեջ-փրկարարական ջոկատից մեկ մարտական հաշվարկ։

Փրկարարները վարորդին, ուղևորներ Ե․ Ղ․-ին (ծնված 1988 թ.), Մ․ Ղ․-ին (ծնված 2010 թ.) և Ս․ Ղ․-ին (ծնված 2013 թ.) դուրս են բերել ավտոմեքենայից, փակել գազի բալոնի փականը և հոսանքազրկել ավտոմեքենան:

12-ամյա ուղևոր Մ. Ղ․-ն հոսպիտալացվել է Վայքի ԲԿ, որտեղ վերջինիս առողջական վիճակը գնահատվել է բավարար: