Գերմանացի մասնագետ Հանսի Ֆլիկը նշանակվել է «Բարսելոնայի» գլխավոր մարզիչ։ Այս մասին պաշտոնապես հայտնել է կատալոնական ակումբը։
Հանսի Ֆլիկ. «Ես հպարտ եմ, որ «Բարսայում» եմ, սա իսկապես հիանալի և անհավանական ակումբ է»:
«Մենք կիսում ենք նույն տեսլականը»,- ընդգծել է նա ակումբի մամուլի ծառայության հետ զրույցում։
««Բարսան» ունի «Լա Մասիա»՝ աշխարհի լավագույն ակադեմիաներից մեկը. ուստի մեր առաքելությունն է կատարելագործել բոլոր խաղացողներին»:
Պայմանագիրը կնքվել է երկու մրցաշրջանի համար։ Այն նախատեսված է մինչև 2026 թվականի հունիս։
Հանսի Ֆլիկը 2020 թվականին «Բավարիան» հասցրել էր սեքսթափլի (վեց գավաթ մի մրցաշրջանի համար)։ 2019/20 մրցաշրջանում գերմանական ակումբը դարձել էր Գերմանիայի առաջնության, Գերմանիայի գավաթի, Չեմպիոնների լիգայի, ՈՒԵՖԱ-ի սուպերգավաթի, Գերմանիայի սուպերգավաթի, Աշխարհի ակումբային առաջնության հաղթող։
