Հանդիպումը նախատեսված է պետական սահմանի սահմանազատման պետական հանձնաժողովի նիստի շրջանակներում։
Բրյուսելում նոյեմբերի առաջին շաբաթվա ընթացքում կհանդիպեն Հայաստանի և Ադրբեջանի փոխվարչապետները։ Տեղեկությունը փոխանցում են ՀՀ փոխվարչապետի գրասենյակից։
Հաղորդագրության համաձայն՝ հանդիպումը տեղի կունենա Հայաստանի և Ադրբեջանի միջև պետական սահմանի սահմանազատման հանձնաժողովի նիստի շրջանակներում
Հիշեցնենք, որ Բրյուսելում հանձնաժողովների նիստ անցկացնելու պայմանավորվածությունը ձեռք էր բերվել Պրահայում քառակողմ հանդիպման ժամանակ: Ավելի ուշ ՀՀ վարչապետ Նիկոլ Փաշինյանը «Թվիթեր»-ի իր միկրոբլոգում հայտնել էր, որ Հայաստանն Ադրբեջանին առաջարկել է հոկտեմբերի 31-ին Բրյուսելում սահմանի սահմանազատման և սահմանային անվտանգության հանձնաժողովի նիստ անցկացնել:
