Ֆրանսիացի հարձակվող Կիլիան Մբապեն միացել է Մադրիդի «Ռեալին» որպես ազատ գործակալ 5 տարվա պայմանագրով, երկուշաբթի օրը հայտարարել է Լա Լիգայի ակումբը։
«Ռեալ Մադրիդը» և Կիլիան Մբապեն համաձայնության են եկել, որով նա կլինի Մադրիդի «Ռեալի» խաղացող հաջորդ հինգ մրցաշրջաններում»,- ասվում է Իսպանիայի չեմպիոնի հայտարարության մեջ:
Ֆրանսիայի հավաքականի 25-ամյա ավագը մայիսի 10-ին սոցիալական ցանցում X հարթակում հրապարակված տեսանյութում հայտարարել էր, որ հեռանում է ՊՍԺ-ից։
Մբապեն ՊՍԺ-ին միացել է 2017 թվականին «Մոնակոյից», սկզբում վարձավճարով, իսկ մեկ տարի անց տեղափոխությունը հաստատվեց 165,7 միլիոն ֆունտ ստեռլինգով:
