Հայաստանում կենսաթոշակների բարձրացումը նախատեսվում է հաջորդ տարվա հուլիսին։ Այս մասին Ազգային ժողովում հոկտեմբերի 26-ին լրագրողների հետ զրույցում ասաց հանրապետության ֆինանսների նախարար Տիգրան Խաչատրյանը։
Նախարարի խոսքով տարեսկզբին նախատեսվում է նաև պետական ծառայողների աշխատավարձերի որոշակի բարձրացում։ Ըստ նրա՝ սրանք այն ուղղություններն են, որոնք հաջորդ տարվա բյուջեի նախագծում ուղղված են լինելու բնակչության առանձին խմբերի եկամուտների ավելացմանը։
Անդրադառնալով գնաճի թեմային՝ Խաչատրյանը մասնավորապես նշել է, որ կենտրոնական բանկը գործադրում է բոլոր ջանքերը, որպեսզի այն մնա նորմայի սահմաններում և վերահսկվի։
«8,6 տոկոս գնաճը Հայաստանի համար այնքան էլ մեծ ցուցանիշ չէ, եթե համեմատենք հարևան երկրների հետ»,- կարծում է ֆինանսների նախարարության ղեկավարը:
