Հայաստանի գեղարվեստական մարմնամարզության հավաքականը չի մասնակցի Կազանում անցկացվող BRICS խաղերին՝ մրցաշարի գլխավոր մրցավարին փոխարինելու պատճառով։ Այս մասին հայ մարմնամարզուհի Սիլվա Սարգսյանն ասել է Match TV-ին։
Երեքշաբթի Սարգսյանը Telegram-ի իր ալիքում հայտարարել էր, որ չի մասնակցելու BRICS-ի խաղերին։
-Սկզբում գլխավոր մրցավար նշանակվեց Հայաստանի ներկայացուցիչ։ Հետո փոխեցին, հիմա էլ մրցույթի գլխավոր մրցավարը ադրբեջանցի է։ Ուրեմն Հայաստանը չի մասնակցի:
-Ինձ հրավիրել էին մասնակցելու «Երկնային շնորհ» ասոցիացիայի անունից, սակայն Հայաստանի սպորտի նախարարությունը պաշտոնական նամակ է ուղարկել, որում ասվում է, որ BRICS խաղերը 2024 թվականին նախատեսված չեն մրցումների օրացույցում։
-Հայկական թիմի դուրս գալու հիմնական պատճառն այն էր, որ գլխավոր մրցավարը Հայաստանի ներկայացուցչից փոխարինվեց Ադրբեջանի ներկայացուցչի՞։
-Այո, դա այդպես է»,- ասել է Սարգսյանը «Матч ТВ»-ին։
Հիշեցնենք, որ գեղարվեստական մարմնամարզության մրցումները BRICS խաղերի շրջանակներում կանցկացվեն հունիսի 20-22-ը:
