Հոկտեմբերի 28-ին տեղի կունենա ՀԱՊԿ արտահերթ նիստ. կքննարկվի Երևանին տրամադրվող օգնության հարցը: Այս մասին հաղորդում է ՀԱՊԿ-ը:
Հաղորդագրության մեջ նշվում է, որ կքննարկվի Հայաստան գործուղված կազմակերպության առաքելության աշխատանքի արդյունքները՝ կապված հայ-ադրբեջանական սահմանին իրավիճակի սրման հետ։
Նախատեսվում է քննարկել նաև ՀՀ-ին օգնություն ցուցաբերելու համատեղ միջոցառումներ:
Հավելենք, որ ավելի ուշ ՌԴ նախագահի մամուլի քարտուղար Դմիտրի Պեսկովը հայտարարել էր, որ ՌԴ նախագահ Վլադիմիր Պուտինը նույնպես կմասնակցի ՀԱՊԿ արտահերթ նիստին։
