Եվրամիությունը կփակի ճանապարհը դեպի միություն Վրաստանի համար, եթե երկրի իշխանությունները շարունակեն ներկա գործողությունները։ Այդ մասին հայտարարել է ԵՄ դիվանագիտության ղեկավար Ժոզեպ Բորելը Լյուքսեմբուրգում՝ միավորման երկրների ԱԳ նախարարների նիստից առաջ։
Դիվանագետը նշել է. «Այսօր ԵՄ երկրները ոչ մի կոնկրետ որոշում չեն կայացնի, խոսքը իրավիճակի և հնարավոր միջոցների շուրջ քննարկումների մասին է»: Բորելը միաժամանակ չի բացառել, որ շուտով կարող են սահմանափակվել Վրաստանին ֆինանսական աջակցությունը Խաղաղության եվրոպական հիմնադրամից, ինչպես նաև քաղաքական բարձր մակարդակի շփումները:
Նա խոստացել է քննարկման արդյունքների մասին հայտնել այսօրվա նիստից հետո: Հիշեցնենք, որ քաղաքական լարվածության պատճառը «Օտարերկրյա ազդեցության թափանցիկության» մասին օրենքն է, որը Վրաստանում ուժի մեջ է մտել հունիսի սկզբին։ ԱՄՆ-ն այդ օրենքի պատճառով արդեն պատժամիջոցներ է սահմանել Թբիլիսիի նկատմամբ։
