O’Keefe Media Group-ի կողմից նկարահանված գաղտնի տեսանյութում երևում է Walt Disney ընկերության ավագ փոխնախագահը, որն ասել է, որ ընկերության մարդկային ռեսուրսների բաժնի աշխատակիցներն իրեն ասել են, որ կորպորացիան խտրականություն է ցուցաբերում սպիտակամորթ տղամարդկանց նկատմամբ:
«Walt Disney Company»-ի ավագ փոխնախագահ և թիմի ղեկավար Մայքլ Ջորդանոն ասել է, որ կորպորացիան խտրականություն է ցուցաբերում սպիտակամորթ տղամարդկանց նկատմամբ: «Ես ընկերներ ունեմ HR-ում և այլ բաժիններում, որոնք ասում են, որ նրանք աշխատանքի համար չեն դիտարկում ոչ մի սպիտակ տղամարդու», – ասել է Ջորդանոն O’Keefe Media Group-ի լրագրողին, որն էլ գաղտնի ձայնագրել է նրան:
Նա նաև ասել է, որ սպիտակամորթ տղամարդ լինելը սահմանափակում է իր շարժունակությունը ընկերության ներսում: «Ինչ վերաբերում է Disney-ին, ես սպիտակամորթ տղամարդ եմ, և նրանք այս պահին չեն ողջունում դա», – ասել է նա:
