Տեսախաղերի սիրահար իտալացի դեռահասը կդառնա նոր հազարամյակի առաջին սուրբը։ Կաթոլիկ եկեղեցու կողմից նա դասվել է սրբերի շարքին:
Կառլո Ակուտիսը, որը լեյկոզից մահացավ 2006 թվականին՝ 15 տարեկան հասակում, հայտնի էր նրանով, որ օգտագործում էր իր համակարգչային հմտությունները կաթոլիկ հավատքի մասին տեղեկատվություն տարածելու համար և վաստակել էր «Աստծո ոգեշնչող» մականունը: Կաթոլիկ եկեղեցու կողմից սուրբ ճանաչվելը կարող է տևել տասնամյակներ, բայց գործը արագ է ընթանում․ դեռահասը հավատարիմ հետևորդներ ունի ամբողջ աշխարհում: Նա հաճախ պատկերվում է ջինսերով և սպորտային կոշիկներով, նրա պատմությունը օգտակար է համարվում կաթոլիկ եկեղեցու համար, քանի որ եկեղեցին ձգտում է ավելի լավ շփվել երիտասարդ սերնդի հետ թվային դարաշրջանում, և հենց նա է հայտնի դարձել կաթոլիկ երիտասարդական խմբերի շրջանում:
Սրբադասման եկեղեցական գործընթացը սովորաբար պահանջում է, որ թեկնածուներին վերագրվեն երկու հրաշք․ յուրաքանչյուր ենթադրյալ գերբնական երևույթ պահանջում է մանրակրկիտ ուսումնասիրություն: Մայիսին Աուկտիսին վերագրվող երկրորդ հրաշքը ճանաչվեց Հռոմի Ֆրանցիսկոս Պապի կողմից, և այդ որոշումը նրա համար ճանապարհ բացեց սրբադասվելու համար:
