Աբդոլլահիանը հեռախոսազրույց է ունեցել Բայրամովի հետ

Հեռախոսազրույցի ընթացքում կողմեր դեմ են արտահայտվել տարածաշրջանում օտարերկրյա ուժերի ցանկացած ներկայությանը։

Ադրբեջանի արտգործնախարար Ջեյհուն Բայրամովը հեռախոսազրույց է ունեցել Իրանի իր գործընկեր Հոսեյն Ամիր Աբդոլլահիյանի հետ:

Տեղեկությունը փոխանցում է «Mehr»-ը ՝ վկայակոչելով Ադրբեջանի ԱԳՆ մամուլի ծառայությանը։

Հանդիպմանը քննարկվել է Հարավային Կովկասում տիրող իրավիճակը, ինչպես նաև մտքեր են փոխանակվել տարածաշրջանում վերջին իրավիճակի, այդ թվում երկկողմ օրակարգի արդիական թեմաների շուրջ:
Իրանցի նախարարը նշել է, որ պաշտոնական Թեհրանը տարածաշրջանի անվտանությունը դիտարկում է փոխկապակցված խնդիր, հետևաբար Ադրբեջանի անվտանգությունը համարում է Իրանի և տարածաշրջանի անվտանգություն՝ հավելելով, որ դեմ է տարածաշրջանում օտար ուժերի ցանկացած տեղակայմանը․ «Մենք դա համարում ենք տարածաշրջանային խաղաղության, կայունության և համագործակցության դեմ»,-նշել է Աբդոլլահիանը։

Հեռախոսազրույցի ընթացքում կողմերը հաստատել են տարածաշրջանային համագործակցությունը շարունակելու հարցում «3+3» ձեւաչափով հանդիպումները։