Աստանան պատրաստ է հարթակ առաջարկել Ադրբեջանի և Հայաստանի միջև խաղաղ բանակցությունների համար․ Տոկաև

Աստանան պատրաստ է հարթակ առաջարկել Ադրբեջանի և Հայաստանի միջև խաղաղ բանակցությունների համար՝ հայտարարել է Ղազախստանի նախագահ Կասիմ-Ժոմարտ Տոկաևը:

«Ղազախստանն ակտիվ մասնակցություն կունենա COP-29-ին: Ղազախստանը նաև պատրաստ է հարթակ առաջարկել Ադրբեջանի և Հայաստանի միջև խաղաղ բանակցությունների համար: Բաքվի և Երևանի միջև հարաբերությունների կարգավորման գործընթացում նկատվում են դրական միտումներ։ Համաշխարհային անվտանգության և կայունության ապահովումը Ղազախստանի արտաքին քաղաքականության հիմնական ուղղությունն է։ Հակամարտությունները լուծելու միակ միջոցը երկխոսությունն է»,- հայտարարել է Տոկաևը Թյուրքական պետությունների կազմակերպության ոչ պաշտոնական գագաթնաժողովին։