Adidas-ի թարմացված Fussballiebe Finale գնդակները կօգտագործվեն ԵՎՐՈ-2024-ի կիսաեզրափակչի և եզրափակչի հանդիպումներում, հաղորդում է ՈւԵՖԱ-ի մամուլի ծառայությունը ։
Գնդակը, որի անունը թարգմանվում է որպես «սեր ֆուտբոլի հանդեպ», ունի թարմացված տեսողական տարրեր (հյուրընկալող երկրի հետ կապված նախշեր՝ սև «թևերի» տեսքով, որոնք ընդգծված են բազմագույն եզրերով, գծերով և կետերով), իսկ սպիտակ ֆոնը՝ փոխարինվել է արծաթագույնով, որը խորհրդանշում է գավաթը։
Նշվում է, որ Adidas-ը երաշխավորել է, որ գնդակը տեսանելի կլինի խաղադաշտում և չի արտացոլի լույսը՝ արծաթագույն դետալներ ունենալու պատճառով։
