Հայ 5 շախմատիստ ընդգրկվել են ՖԻԴԵ-ի 100 լավագույն շախմատիստների ցանկում։
Շախմատի միջազգային ֆեդերացիան հրապարակել է նոյեմբերի ամսվա դասակարգման նոր աղյուսակը:
Հայաստանը ներկայացնող շախմատիստներից Գաբրիել Սարգսյանը և Հայկ Մարտիրոսյանը 100 լավագույնի մեջ են՝ զբաղեցնելով համապատասխանաբար 41-րդ և 58-րդ հորիզոնականները:
ԱՄՆ դրոշի ներքո հանդես եկող Լևոն Արոնյանը 17-րդն է: Տղամարդկանց դասակարգման աղյուսակի առաջատարն աշխարհի չեմպիոն նորվեգացի Մագնուս Կարլսենն է:
Կանանց դասակարգման աղյուսակում Հայաստանի ներկայացուցիչներ Էլինա Դանիելյանը գրավել է 39-րդ տեղը, Աննա Սարգսյանը` 68-րդ, իսկ Լիլիթ Մկրտչյանը` 71-րդ հորիզոնականը:
