Փոխըմբռնման հուշագիր` Սյունիքի մարզպետի աշխատակազմի և Կարմիր խաչի միջազգային կոմիտեի միջև

Սյունիքի մարզպետ Ռոբերտ Ղուկասյանն այսօր ընդունել է Կարմիր խաչի միջազգային կոմիտեի Գորիսի ենթապատվիրակության ղեկավար ժելկո Լեժայային ու կազմակերպության այլ աշխատակիցների։

ՀՀ Սյունիքի մարզպետի աշխատակազմի և Կարմիր խաչի միջազգային կեմիտեի միջև կնքվեց փոխըմբռնման հուշագիր, որը ստորագրեցին Ռոբերտ Ղուկասյանն ու ժելկո Լեժայան։

Սրանով առավել գործնական, համակարգված ու տեսանելի հիմքերի վրա է դրվում կողմերի համագործակցված աշխատանքը։

Հուշագրի շրջանակներում Սյունիքի մարզպետի աշխատակազմը և ԿԽՄԿ-ն, մասնավորապես, համաձայնության են եկել իրականացնել առողջապահական մի շարք հաստատություններում ենթակառուցվածքային բարելավման ու էներգետիկ դիմակայունությանը նպաստող նախագծեր։

• Բուժակ-մանկաբարձական կետի կառուցում Տեղ համայնքի Արավուս գյուղում։

• Արևային ֆոտովոլտային համակարգերի տեղադրում 10 առողջապահական հաստատություններում՝ Կապանի, Գորիսի, Մեղրու ԲԿ-ներում, 2 ԱԱՊԿ-ներում, 5 ԲՄԿ-ներում՝ ընդհանուր 335 կիլովատ հզորությամբ։

• Էներգետիկ գեներատորների տեղադրում Կապանի, Սիսիանի, Գորիսի ԲԿ-ներում։

• Կապանի Եղվարդ գյուղի ԲՄԿ-ի տանիքի հիմնանորոգում։