Բաքվի և Երևանի միջև խաղաղության պայմանագրի հիմքում եռակողմ պայմանավորվածությունները պիտի լինեն

Ռուսաստանը կնպաստի Բաքվի և Երևանի միջև հարաբերությունների կարգավորմանը և խաղաղության պայմանագրի կնքմանը՝ եռակողմ պայմանավորվածությունների հիման վրա։ Այս մասին Բաքվում Ադրբեջանի նախագահ Իլհամ Ալիևի հետ ասուլիսի ժամանակ հայտարարել է ՌԴ նախագահ Վլադիմիր Պուտինը։

«Ուզում եմ ընդգծել, որ Ռուսաստանը կշարունակի ամեն կերպ նպաստել Հայաստանի և Ադրբեջանի միջև փոխգործակցության կարգավորմանը և խաղաղության պայմանագրի կնքմանը՝  2020-2022 թվականներին ՌԴ, Հայաստանի և Ադրբեջանի ղեկավարների միջև ձեռք բերված եռակողմ պայմանավորվածությունների հիման վրա»,- ասել է նա։