ՀՀ սննդամթերքի անվտանգության տեսչական մարմինը Հայաստանից ՌԴ արտահանված ելակի մեջ արգելված վտանգավոր թունաքիմիկատներ հայտնաբերելու մասին որևէ պաշտոնական ծանուցում չի ստացել. Aysor.am-ի հետ զրույցում ասաց ՍԱՏՄ իրազեկման, խորհդատվության և հանրության հետ տարվող աշխատանքների բաժնի պետ Անուշ Հարությունյանը:
«Կլինի պաշտոնական ծանուցում, մենք էլ պատշաճ կերպով կարձագանքենք»,-ասաց նա։
Հիշեցնենք` Mash-ը գրել էր, որ Հայաստանից Ռուսաստան արտահանված ելակի մեջ վտանգավոր թունաքիմիկատ է հայտնաբերվել։ Նշվում է, որ թունաքիմիկատները հայտնաբերվել են ելակի չորս տոննա խմբաքանակում, որը մասնագետները ստուգման են ուղարկել օգոստոսի 21-ին։
