Բրեդ Փիթը երկու կանանցից շորթել է 362 000 դոլար՝ նրանց սիրո խոստումներ տալով

Իսպանիայի ոստիկանությունը ձերբակալել է հինգ մարդու, որոնք ինտերնետում ներկայացել են որպես հոլիվուդյան աստղ Բրեդ Փիթ եւ երկու կանանցից շորթել են 362 000 դոլար։

Կանանցից մեկը խարդախների պատճառով կորցրել է 195 000 դոլար, իսկ մյուսը՝ 167 000։  Ոստիկանությանը հաջողվել է այդ գումարից վերադարձնել 95 000-ը։

Երկու զոհերի հետ Բրեդ Փիթի ֆան-կայքի միջոցով կապվել են խարդախները, որոնց հաջողվել է կանանց համոզել, որ դերասանը ցանկանում է ներդրումներ կատարել նրանց հետ տարբեր նախագծերում, տեղեկացրել է ոստիկանությունը։

«Զոհերին գտնելու համար կիբեռհանցագործներն ուսումնասիրել են նրանց սոցիալական ցանցերը եւ կազմել նրանց հոգեբանական կերպարը՝ արդյունքում հայտնաբերելով, որ երկու կանայք խոցելի են, տառապել են դեպրեսիայով»,-նշվել է հայտարարության մեջ։

«Նրանք նաեւ օգտագործել են տեղեկությունների փոխանակման պլատֆորմները, մինչեւ որ վերջինները հավատացել են, որ WhatsApp-ով շփվում են հենց Բրեդ Փիթի հետ, որը նրանց խոստացել է ռոմանտիկ հարաբերություններ եւ համատեղ ապագա»։

Երկու կանայք, ի վերջո, բազմաթիվ բանկային փոխանցումներ են կատարել մի մարդու, որին նրանք համարել են Բրեդ Փիթ, մինչեւ որ հասկացել են, որ իրենց խաբել են, եւ դիմել են ոստիկանություն։