«Վարդաշեն» ՔԿՀ-ում ատամնաբուժարանից վերադարձված կալանավորված անձի մոտից հայտնաբերվել են թաքցված բջջային հեռախոսներ

Հոկտեմբերի 8-ին՝ ժամը 16։15-ի սահմաններում, ՀՀ ԱՆ «Վարդաշեն» քրեակատարողական հիմնարկի անվտանգության ապահովման բաժնի ծառայողներն անձնական խուզարկության են ենթարկել ատամնաբուժական կլինիկայից վերադարձված կալանավորված անձ Ա․Հ․-ին: Այս մասին հայտնում են Արդարադատության նախարարության քրեակատարողական ծառայությունից։

Հաղորդագրության մեջ նշվում է, որ խուզարկության արդյունքում քրեակատարողական ծառայողները հայտնաբերել են 2 բջջային հեռախոս, որոնք Ա․Հ․-ն թաքցրել էր տաբատի մեջ։

Դեպքի առթիվ ձեռնարկվել են համապատասխան միջոցառումներ։