Քարահունջում շարունակվում են ոռոգման ջրագծերի կառուցման աշխատանքները:
Ծրագիրն իրականացվում է Գորիսի համայնքապետարանի և ՄԱԿ-ի Պարենի համաշխարհային ծրագրի համագործակցությամբ, որը նպատակ ունի ապահովել ջրի հասանելիությունը համայնքի բոլոր բնակավայրերում:
Գորիս համայնքի բոլոր բնակավայրերում են ջրագծերի կառուցման ծրագրեր իրականցվում, որտեղ յուրաքանչյուր հեկտար հողի մշակումը կենսական նշանակություն ունի։ Ծրագիրը ոչ միայն բարելավում է գյուղատնտեսական արտադրողականությունը, այլև ամրապնդում է սահմանամերձ բնակավայրերի տնտեսական հիմքերը:
Ջրի հասանելիության ապահովումը սահմանամերձ գյուղացու համար նշանակում է նպաստել գյուղական բնակավայրերի եկամուտների աճին, որը նվազեցնում է արտագաղթի ռիսկերը և ամրապնդում բնակչության կապը հայրենի հողի հետ։
