Շրջանների զգալի մասում սպասվում է անձրև, առանձին հատվածներում՝ ամպրոպ

Օդի ջերմաստիճանը հոկտեմբերի 17-18-ը կնվազի 4-6 աստիճանով։

Հանրապետության տարածքում հոկտեմբերի 15-ին շրջանների մեծ մասում, 19-ի ցերեկն առանձին շրջաններում սպասվում է կարճատև անձրև։ Հոկտեմբերի 16-18-ը շրջանների զգալի մասում ժամանակ առ ժամանակ սպասվում է անձրև, առանձին հատվածներում՝ ամպրոպ։ 

Քամին հյուսիսարևմտյան է՝ 2-5 մ/վ, ամպրոպի ժամանակ սպասվում է քամու ուժգնացում 16-20 մ/վ արագությամբ։ Օդի ջերմաստիճանը հոկտեմբերի 17-18-ը կնվազի 4-6 աստիճանով։

Երևան քաղաքում հոկտեմբերի 15-ին սպասվում է կարճատև անձրև և ամպրոպ։ Հոկտեմբերի 16-18-ը ժամանակ առ ժամանակ սպասվում է անձրև և ամպրոպ։ Ամպրոպի ժամանակ սպասվում է քամու ուժգնացում՝ 15-18 մ/վ արագությամբ։ Հոկտեմբերի 19-ին սպասվում է առանց տեղուների եղանակ։