ՀՀ ԳԱԱ Վ. Համբարձումյանի անվան Բյուրականի աստղադիտարանը (ԲԱ) հայտարարում է (աստղա)գիտական լրագրության և աստղալուսնկարչության մրցույթ, որն այս տարի նվիրված կլինի գիտական լրագրության 15-ամյակին:
Մրցույթը նախատեսված է լրագրողների համար, որոնք մինչև ս․թ․ նոյեմբերի 30-ը կներկայացնեն 2024-ի ընթացքում հրապարակված տպագիր կամ առցանց հոդվածներ, ինչպես նաև հեղինակային ձայնա/տեսանյութեր՝ այս թեմաներից որևէ մեկով կամ մի քանիսով։
Այս տարի մրցույթին կարող են մասնակցել նաև պրոֆեսիոնալ լուսնկարիչները, որոնք կներկայացնեն ԲԱ տարածքի և աստղադիտակների լավագույն 5 լուսանկարները։
Մրցանակներ կտրվեն հետևյալ 4 անվանակարգում՝
- Լավագույն հեղինակային տպագիր կամ առցանց հոդվածի կամ հոդվածաշարի մրցանակ,
- Լավագույն հեղինակային ձայնա/տեսանյութի մրցանակ (կարճամետրաժ ֆիլմեր, ռադիո կամ հեռուստահաղորդաշարեր կամ ռեպորտաժներ, առցանց ձայնա/տեսանյութեր և այլն),
- 2024թ․ առավել ակտիվ լրագրողի մրցանակ՝ ամբողջ տարվա կտրվածքով հրապարակված նյութերի քանակով և բազմազանությամբ
- ԲԱ տարածքի և աստղադիտակների լավագույն լուսանկար։
Յուրաքանչյուր անվանակարգի համար սահմանված է դրամական մրցանակ՝ 75,000 ՀՀ դրամ։ Կդիտարկվեն միայն հեղինակային աշխատանքները։
Մրցույթի նմասնակցելու համար անհրաժեշտ է տպագիր կամ առցանց հոդվածները, հեղինակային ձայնա/տեսանյութերը և լուսանկարներն ուղարկել հետևյալ էլ. հասցեին՝ byurakanobservatory.pr@gmail.com։
Հայտերն ընդունվում են մինչև ս․թ․ նոյեմբերի 30-ը։ Արդյունքները կհրապարակվեն դեկտեմբերի 23-ին։
Կոնտակտային տվյալներ՝ Լիլիթ Դարբինյան, ՀՀ ԳԱԱ Վ. Համբարձումյանի անվան Բյուրականի աստղադիտարանի մամուլի քարտուղար
Հեռ․՝ 077 60 10 27
Էլ․ հասցե՝ byurakanobservatory.pr@gmail.com
