Ռուսաստանը կաշխատի ԱՄՆ նոր վարչակազմի հետ՝ կոշտ պաշտպանելով իր ազգային շահերը և կենտրոնանալով Ուկրաինայում հատուկ ռազմական գործողության բոլոր նպատակներին հասնելու վրա, հայտարարել է ՌԴ ԱԳՆ-ն՝ մեկնաբանելով ԱՄՆ-ում կայացած նախագահական ընտրությունների արդյունքները: Այս մասին գրում է ՌԻԱ «Նովոստի»-ն:
«Ռուսաստանը կաշխատի նոր վարչակազմի հետ, երբ այն «գրանցվի» Սպիտակ տանը՝ կոշտ պաշտպանելով ռուսական ազգային շահերը և կենտրոնանալով հատուկ ռազմական գործողության բոլոր դրված նպատակների իրագործման վրա: Մեր պայմաններն անփոփոխ են և քաջ հայտնի են Վաշինգտոնին»,- ասել են ՌԴ ԱԳՆ-ում:
Նշենք, որ հանրապետական Դոնալդ Թրամփն իրեն հայտարարել է ընտրությունների հաղթող: Համաշխարհային առաջնորդները նրան շնորհավորել են:
