Ամերիկյան Washington Post-ը, հղում անելով իր աղբյուրներին, հայտնում է, որ Դոնալդ Թրամփը հինգշաբթի օրը հեռախոսազրույց է ունեցել Վլադիմիր Պուտինի հետ։
Նշվում է, որ նրանք քննարկել են Ուկրաինայում պատերազմը: Ըստ թերթի՝ Թրամփը Պուտինին կոչ է արել խուսափել Ուկրաինայում էսկալացիայից և հիշեցրել Եվրոպայում ամերիկյան ուժերի զգալի ռազմական ներկայության մասին։
Պարբերականի զրուցակիցները նաև պնդում են, որ Պուտինն ու Թրամփը խոսել են եվրոպական մայրցամաքում խաղաղության հասնելու անհրաժեշտության մասին, և Թրամփը հետաքրքրություն է հայտնել՝ քննարկելու «հակամարտության շուտափույթ կարգավորումը»:
Թերթի փոխանցմամբ Թրամփը մասնավոր կերպով հասկացրել է, որ կաջակցի այն գործարքին, որի ընթացքում Ռուսաստանը կպահպանի գրավված տարածքի մի մասը:
Հրապարակման մասին պաշտոնական մեկնաբանություններ չեն եղել։
Հիշեցնենք, որ Թրամփը հայտարարել էր, որ վերջ կդնի Ուկրաինայի պատերազմին, թեև մանրամասներ չի ներկայացրել, թե ինչպես է պատրաստվում դա անել:
