Անկախ Հանրային ծառայությունները կարգավորող հանձնաժողովի (ՀԾԿՀ) վերջնական որոշումից, կառավարությունն անհրաժեշտության դեպքում համարժեք սուբսիդավորմամբ կչեզոքացնի ջրի գնի ավելացումը սպառողների բոլոր խմբերի համար։ Տեղկությունը փոխանցել է ՏԿԵ նախարարությունը՝ անդրադառնալով վերջերս լրատվական էջերում տեղ գտած այն հայտարարություններին, թե ջուրը կթանկանա շուրջ 9 դրամով։
«Հունվարի 1-ից խմելու ջրի մոտ 9 դրամ թանկացման վերաբերյալ լրատվամիջոցներում տեղ գտած հրապարակումների առնչությամբ տեղեկացնում ենք, որ Հանրային ծառայությունները կարգավորող հանձնաժողովն արդեն ավարտել է «Վեոլիա ջրի» հայտի ուսումնասիրությունը և մինչև նոյեմբերի վերջ կայանալիք նիստում պետք է որոշում կկայացնի։ Անկախ ՀԾԿՀ վերջնական որոշումից, Կառավարությունն անհրաժեշտության դեպքում համարժեք սուբսիդավորմամբ կչեզոքացնի գնի ավելացումը սպառողների բոլոր խմբերի համար։ Այսինքն մինչեւ 2024 թվականը խմելու ջուրը քաղաքացիների համար չի թանկանա»,-նշվում է հաղորդագրությունում։
Հիշեցնենք, որ «Վեոլիա ջուրը» Հանրային ծառայությունները կարգավորող հանձնաժողովին ջրի գնի բարձրացման հայտ էր ներկայացրել՝ ատճառաբանելով Հայաստանում առկա բարձր գնաճը։
Ոսումնասիրելով հայտը՝ ՀԾԿՀ-ն առաջարկել է 2023 թվականից մեկ խորանարդ մետր ջրի սակագինը սահմանել 208.42 դրամ՝ գործող 200-ի փոխարեն, ինչպես նաև անապահով բաժանորդների համար սակագինը անփոփոխ թողնել՝ 180 դրամ։
Հավելենք, որ ջուրն այս տարի արդեն մեկ անգամ թանկացել էր 20 դրամով։
