Սյունիքի մարզի սուբվենցիոն ծրագրերը կֆինանսավորվեն

Նախագծով 2024 թվականին պետական բյուջեից սուբվենցիաներին է ուղղվում 22 մլրդ դրամ համաֆինանսավորում:

Կառավարությունը հաստատեց «Հայաստանի Հանրապետության 2024 թվականի պետական բյուջեի մասին» Հայաստանի Հանրապետության օրենքում և Հայաստանի Հանրապետության կառավարության 2023 թվականի դեկտեմբերի 28-ի N 2323-Ն որոշման մեջ փոփոխություններ և լրացումներ կատարելու մասին հարցը:

Տարածքային կառավարման և ենթակառուցվածքների նախարար Դավիթ Խուդաթյանը ներկայացրեց ՀՀ-ի համայնքների ենթակառուցվածքների զարգացմանն ուղղված սուբվենցիոն ծրագրերը 2024 թվականի պետական բյուջեից համաֆինանսավորման նպատակով ՀՀ մարզպետների աշխատակազմին 2 մլրդ 43 մլն 744 հազար դրամ հատկացնելու վերաբերյալ որոշման նախագիծը:

Սույն նախագծով առաջարկվում է 20 համայնքի 29 սուբվենցիոն ծրագրեր ֆինանսավորել, որոնց բաշխվածությունն ըստ մարզերի հետևյալն է.

Արագածոտնի մարզի 1 ծրագիր՝ 22.4 մլն դրամ

Արարատի մարզի 7 ծրագիր՝ 984.2 մլն դրամ

Արմավիրի մարզի 3 ծրագիր՝ 100.8 մլն դրամ

Գեղարքունիքի մարզի 1 ծրագիր՝ 92.8 մլն դրամ

Լոռու մարզի 4 ծրագիր՝ 254.7 մլն դրամ

Շիրակի մարզի 7 ծրագիր՝ 550.6 մլն դրամ

Սյունիքի մարզի 2 ծրագիր՝ 161.5 մլն դրամ

Վայոց ձորի մարզի 4 ծրագիր՝ 17.5 մլն դրամ:

Նախարարը տեղեկացրեց, որ նախագծով 2024 թվականին պետական բյուջեից սուբվենցիաներին է ուղղվում 22 մլրդ դրամ համաֆինանսավորում: