Առաջիկայում վճարելու այս հնարավորությունը կգործի նաև մետրոպոլիտենում:
Դեկտեմբերի 2-ից բոլոր ավտոբուսներում և միկրոավտոբուսներում հնարավոր է վճարել ՀՀ բանկերի թողարկած բանկային քարտերով: Աշխատանքային հերթական խորհրդակցության ժամանակ զեկուցվել է, որ առաջիկայում վճարելու այս հնարավորությունը կգործի նաև մետրոպոլիտենում:
Հաջորդ տարի քայլեր կձեռնարկվեն նաև տրանսպորտի կառավարման կենտրոն ստեղծելու նպատակով: Այս գործում Երևանին կաջակցեն Լոս Անջելեսի տրանսպորտի դեպարտամենտի գործընկերները: Կենտրոնը, ի դեպ, հնարավորություն կտա կառավարել տրանսպորտային բոլոր միջոցների շարժը քաղաքում, կարգավորել երթևեկությունն ըստ հոսքերի:
