Թբիլիսիում գիշերը բողոքի ցույցերն ավարտվել են ցուցարարների զանգվածային ձերբակալություններով

Թբիլիսիում գիշերը հատուկջոկատայիններն ու ջրցան մեքենաները ցուցարարներին դուրս են մղել Ռուսթավելու պողոտայից։ Տեղի են ունեցել ձերբակալություններ։

Ձերբակալվել են ընդդիմության առաջնորդներ, ինչպես նաև տասնյակ ցուցարարներ։ Միայն երեկ ձերբակալվել է 24 քաղաքացի, այսպիսով, չորս օրվա ընթացքում մայրաքաղաքում 224 ցուցարար է ձերբակալվել՝ մանր խուլիգանության և ոստիկանությանը չենթարկվելու մեղադրանքներով։ Վերջին բողոքի ակցիաների ընթացքում տուժել է ՆԳՆ 113 աշխատակից, նրանցից չորսը դեռ բուժհաստատություններում են։