Սիրած աղջկան առևանգած պարեկին ազատել են աշխատանքից

Դեպքի վերաբերյալ քրեական վարույթ է նախաձեռնվել։

Գեղարքունիքի մարզի գյուղերից մեկից սիրած աղջկան առևանգած 30–ամյա պարեկը սեփական դիմումի համաձայն ազատվել է աշխատանքից, փաստի առթիվ նախաձեռնվել է քրեական վարույթ։ Տեղեկությունը հայտնում է դատախազությունը` պատասխանելով Sputnik Արմենիայի գրավոր հարցմանը։

Ավելի վաղ Oragir.News-ը գրել էր, որ Գեղարքունիքի մարզի գյուղերից մեկի բնակիչ 30-ամյա Խ․Պ․-ն սեպտեմբերի 15-ի երեկոյան ընկերների և հորեղբոր հետ գնացել է հարակից գյուղում ապրող իր հավանած աղջկա տուն և փախցրել նրան անմիջապես լոգարանից։

Դատախազությունից հայտնել են, որ դեպքի վերաբերյալ քրեական վարույթ է նախաձեռնվել ՀՀ քրեական օրենսգրքի 191 հոդվածով և 192 հոդվածի 5–րդ մասով։

Արդեն նախկին պարեկի նկատմամբ որպես խափանման միջոց է ընտրվել վարչական հսկողությունը։