Գորիսի Անկախության փողոցում նոր խաղահրապարակ է կառուցվում, հայտնում են Գորիսի համայնքապետարանից։
Նշվում է, որ այն արդեն թվով 16-րդ խաղահրապարակն է, որը կառուցվում է Գորիս համայնքում։ Նմանատիպ հանգստի և ժամանցի գոտիներ են ստեղծվել ինչպես քաղաքի տարբեր թաղամասերում, այնպես էլ համայնքի բոլոր բնակավայրերում։
Նոր խաղահրապարակի կառուցումը կնպաստի թաղամասի բարեկարգմանը, կապահովի երեխաների անվտանգ խաղի և ժամանցի կազմակերպումը, ինչպես նաև կդառնա ընտանեկան հանգստի հաճելի վայր։
