Գտնվել է ադրբեջանական կործանված ինքնաթիռի «սև արկղը»

Գտնվել է Ակտաուի մոտ կործանված ադրբեջանական ինքնաթիռի «սև արկղը»։ Պարզվել է, որ անձնակազմի 5 անդամներից 3-ը ողջ են մնացել։ Ընդհանուր՝ մահացել է 38 մարդ։ 

Նշվում է նաև, որ ինքնաթիռի վերջին ամբողջական տեխնիկական ստուգումն իրականացվել է այս տարվա հոկտեմբերին։ 

Embraer 190 4K-AZ65 գրանցման համարով ինքնաթիռն արտադրվել է 2013 թվականին։ Վայրէջքների ընդհանուր թիվը կազմել է 9949, իսկ թռիչքի ընդհանուր տևողությունը՝ 15 257 ժամ։ Օդանավի վերջին ամբողջական տեխնիկական զննումն իրականացվել է 2024 թվականի հոկտեմբերի 18-ին, որից հետո այն կատարել է 671 ժամ թռիչք։

Ինքնաթիռը վարել է կապիտան Իգոր Կշնյակինը, ով ավելի քան 15 հազար ժամ թռիչքային փորձ ունի, որից մոտ 11 200 ժամը նա անցկացրել է որպես կապիտան։