🎥Ալեքս Սահակյանը՝ Կապանի շախմատի առաջնության հաղթող

Մարզական տարին համայնքում սկսվեց նոր մրցաշարով։ Անցկացվեց 2025 թվականի Կապան քաղաքի արագ շախմատի առաջնությունը, որին մասնակցեց որակավորման առնվազն 2-րդ կարգ ունեցող 21 շախմատիստ։ Ինը խաղափուլերով ծավալված հետաքրքիր և անզիջում պայքարում 1-ից 3-րդ տեղ զբաղեցրած մասնակիցները պարգևատրվեցին մեդալներով, ստացան նվերներ ու արժանացան դրամական պարգևի։ Հաղթողի տիտղոսը նվաճեց միջազգային կարգի վարպետ Ալեքս Սահակյանը։